«Лион»нинг собиқ ҳужумчиси Бафетимби Гомис 2017/18 йилги мавсумда ўйнаган «Галатасарой»га қайтишга яқин турибди. Франциялик футболчининг сўнгги клуби Саудия Арабистонининг «Ал Ҳилол» клуби ҳисобланади. Ҳозирда футболчи эркин агент ҳисобланади.

Фабрицио Романонинг сўзларига кўра, Гомис яқинда «Галатасарой»га ўтишини якунлаш учун агенти билан Туркияга учиб кетган. Ҳозирча шартнома муддати ва футболчининг маоши ҳақида маълумот берилмаган.

Эслатиб ўтамиз, 2017/18 йилги мавсумда Гомис «Галатасарой» сафида Туркия чемпионатида 28 та гол уриб, лига тўпурарига айланганди. Аввалроқ футболчи «Суонси», «Лион» ва «Сент-Этьен» клубларида ҳам тўп тепган.

Эслатиб ўтамиз, Гомис «Ал Ҳилол» сафида Осиё Чемпионлар лигасида қатнашиб, 28 ўйинда 19 гол уришга эришган.