Ҳужумчи Пьер-Эмерик Обамеянг «Арсенал» мухлислари билан хайрлашди. Кеча клуб ва футболчи шартномани бекор қилган эди.
«Арсенал» мухлислари, сўнгги тўрт йил ичида Лондонни мен ва оилам учун ҳақиқий уйга айлантирганингиз учун раҳмат. Биз жамоанинг юқорига кўтарилиш ва пасайиш дамларини бирга бошдан кечирдик ва сизнинг ёрдамингиз мен учун кўп нарсани англатган. Кубокларни қўлга киритиш имконияти ва бу клуб сардори бўлиш шарафи менинг қалбимда абадий сақланади.
Мен ҳар доим 100 фоиз кучим билан қўлимдан келганини қилишга ҳаракат қилганман, шунинг учун ҳақиқий хайрлашувсиз кетиш оғриқли, аммо бу футбол. Охирги бир неча ҳафта ичида жамоадошларимга ёрдам бериш имконига эга бўлмаганимдан афсусдаман, лекин бу клубни ҳурмат қилишдан бошқа нарсам йўқ ва барча мухлисларимга чин дилдан келгусида муваффақиятли йиллар тилайман! Ҳурмат билан, Ауба», - деб ёзди Обамеянг Инстаграм саҳифасида.
