"Арсенал" афсоналаридан бири Иан Райт Обамеянгнинг кетишига муносабат билдирди. У бу ҳақида шундай дейди:
"У "Барселона"га кетиб, маошини жуда ҳам қисқартириб юборди. Аммо буни ўзи истади. Агар у Саудиа Арабистонига кетганида, "Арсенал"дагидан кам маош олмас эди. Биз Обамеянгни қандай футболчи эканини яхши биламиз. Унинг ўйинларида ранг-баранглик бор эди. У ҳаммага кулиб боқарди. Менимча, бу ерда гап пулда эмас ва бўлмаган.
Мен учун энг ёмони биласизми нимада? Бу шундаки, биз Обамеянгга аслида нима бўлганини била олмадик. Энди била олмасак ҳам керак. У билан муаммо ҳал қилинади деб ўйлаган эдим. Аммо бундай бўлмади. Мен ўта хафаман. Чунки Обамеянгни "Арсенал" учун яратилган деб билар эдим".
Эслатиб ўтамиз, Обамеянг мавсум якунига қадар "Барса"да ҳафтасига беш минг евро маош оладиган бўлди.
