“Милан” ва Голландия терма жамоасининг собиқ футболчиси Руд Гуллит Польша ва “Бавария” ҳужумчиси Роберт Левандовски, ҳамда уни “Олтин тўп”ни қўлга кирита олмагани ҳақида ўз фикрлари билан ўртоқлашди.

“Мен уни футболчи сифатида яхши кўраман, Левандовски ҳамма нарсага қодир. Мен Робертнинг “Олтин тўп”ни қўлга киритишига ишонгандим. Бундай бўлмагани мен учун кутилмаган воқеа бўлди.

Лекин бу фирибгарлик эмас, шунчаки овоз бериш эди. Унинг Криштиану Роналду ва Лионель Месси билан бир даврда ўйнагани ачинарли. Назаримда, Левани бу иккисидан кўпроқ қадрлашган бўларди, - деди голландиялик.

Бу йил Левандовски Бундеслигада 20 та ўйинда майдонга тушиб, 23 та гол урди ва битта голли узатмани амалга оширди.