21-асрда жарима зарбасидан энг кўп гол урган футболчилар статистикаси ҳисоблаб чиқилди. Унда фақат клуб сафида урилган голлар ҳисобланган.

Биринчи ўринни бразилиялик Жуниньо Пернамбукано эгаллади. "Лион" афсонаси жаримадан 74та гол уришга муваффақ бўлди. У фаолияти давомида жами 118та гол урганини инобатга олсак, у голларининг 60 фоизидан кўпроғини жаримадан урган.

Рейтингнинг иккинчи поғонасини ким банд этган деб ўйлайсиз? «Сан-Пауло» клубининг афсонавий дарвозабони Рожерио Сени! У фаолияти давомида жами 59 марта рақиб дарвозасини жарима зарбаси орқали ишғол қилган! Учинчи ўринни эса яна бир бразилиялик афсона – Роналдиньо банд этди: жарима зарбасидан 55та гол.

Лео Месси қани? Аргентиналик футболчи ҳисобида 50та гол бор. У мазкур статистикани яхшилаши учун "ПСЖ"да гол уришни бошлаши керак.

Бешинчи ўринда эса Криштиану Роналду бормоқда. Португалиялик футболчи жарима зарбасидан 47та гол муаллифига айланган. Сўнгги марта у жарима зарбасини 2020 йилда («Ювентус» сафида) гол айлантирганди.

Шунингдек, рўйхатда Дэвид Бекхэм, Алессандо Дель Пьеро, Роберто Карлос ва Уэсли Снейдер каби маҳоратли футболчилар бор.