Бироз муқаддам сайтимиз орқали Султон Зайлобиддиновнинг четлатилгани борасида хабар бериб ўтгандик. ПФЛ расмий сайти ушбу маълумотни тасдиқлади.

Олий Лига 2-туридан ўрин олган «Пахтакор» – «Олмалиқ» (0:0) ўйинида қониқарсиз баҳо (4,0) ҳакамлар иши бўйича қарор чиқарилди, деб ёзилади расмий сайтда.

Шунингдек, ён қанот ҳакамларидан бири ҳам четлатилгани борасида маълумо бериб ўтгандик Маълум бўлишича, Рўзимов (лайсмен) ҳам қониқарсиз баҳо олгани туфайли жазоланган. "24 март куни бўлиб ўтган «Пахтакор» – «Олмалиқ» учрашувини бошқариб борган бош ҳакам С.Зайлобиддинов ва унинг ёрдамчиси Н.Рўзимовга қониқарсиз баҳо (4,0) қўйилган эди", деб ёзади ПФЛ матбуот хизмати.

«Ҳакамларнинг тартиб-интизом кодекси» 2-моддаси 3-бандига мувофиқ (назоратчи томонидан ҳакамлик иши учун 4,0 – 4,9 баҳо олиш) бош ҳакам С.Зайлобиддинов олти ўйинга четлатилди ва ЎФФ Ҳакамлар ва назоратчилар қўмитаси алоҳида қарори чиқмагунича Олий Лига ўйинларига тайинланмайди. Шунингдек, бош ҳакамнинг мукофот пули миқдори 75 фоизгача қисқартирилди.

«Ҳакамларнинг тартиб-интизом кодекси» 2-моддаси 3-бандига мувофиқ (назоратчи томонидан ҳакамлик иши учун 4,0 – 4,9 баҳо олиш) ёрдамчи ҳакам Н.Рўзимов Чемпионатнинг олти ўйинидан четлатилди ва мукофот пули 75 фоизгача қисқартирилди.