«Манчестер Юнайтед» бош мураббийи Ральф Рангник Англия кубогининг 1/16 финал босқичида бўлиб ўтган «Мидлсбро»га қарши ўйин борасида ўз фикрини билдириб ўтди. Эслатиб ўтамиз, учрашувнинг асосий вақтида 1:1 ҳисоби қайд этилган бўлса, пенальтилар сериясида меҳмонлар 8:7 ҳисобида ғалаба қозонишди.

Бундан ташқари, Чимпионшип вакили баҳснинг 64-дақиқасида ҳисобни тенглаштирувчи голни урган пайтда тўп футболчи Данкан Уотморнинг қўлига текканди. Аммо ҳакам видеотакрорни томоша қилгач, голни бекор қилмади.

«Жуда ҳафсалам пир бўлди. Биз биринчи бўлимнинг ўзидаёқ ўйин тақдирини ҳал қилиб қўйишимиз керак эди. Тўсинлар, устунлар, амалга оширилмаган пенальти ва кўплаб вазиятлар. Ҳисоб 2:0 ёки 3:0 бўлиши керак эди. Биз инобатга олиниши керак бўлмаган голни ўтказиб юбордик. Рақиб тўпни қўли билан ўйнаганди. ВАР бу голни бекор қилишига ишончим комил эди. Бу ўйинда ғалаба қозонишимиз шарт эди», — деди Рангник.