"Барселона" ярим ҳимоячиси Нико Гонсалес "Атлетико" билан ўйин ҳақида фикр билдирди.
"Биз "Камп Ноу"да анчадан бери ўйнамадик, биз бу ерда ўйнашни жуда хоҳлаймиз ва айниқса, барча мухлислар олдида.
"Атлетико" биздан бир очко олдинда. Бу ўйин бизга Чемпионлар лигаси йўлланмасини берадиган ўринга кўтарилиш имкониятини беради.
"Атлетико"га қарши ўйинлар ҳар доим тенг кучли бўлган. Улар ҳимояда ақлли, катта шиддат билан ҳимояланишади ва кўплаб қарши ҳужумларни амалга оширадилар. "Ванда Метрополитано"да бизга қарши бўлиб ўтган ўйинда ҳам шу нарса содир бўлди, улар кўп қарши ҳужумлар уюштиришди.
Биз тўпга эгалик қилиш, кўп ҳужум қилиш ва имкониятлар пайдо бўлишини сабр билан кутиш орқали жуда тинч ўйин ўтказишни кутяпмиз", - деди ярим ҳимоячи.
