Каталониянинг «Барселона» клуби бир неча ҳафта олдин «Интер» ярим ҳимоячиси Марсело Брозовични сотиб олишга уриниб кўрганди. Каталонияликлар футболчи учун 8 миллион евро таклиф қилишган. Бироқ «нерадзуррилар» раҳбарияти бу таклифни рад этди, чунки улар Брозович билан шартномани узайтирмоқчи.

“Брозович билан шартнома узайтирилиши эҳтимоли бор. Бир неча ҳафта олдин «Барселона» ва «Тоттенхем» Брозовични ўз сафига қўшиб олишга ҳаракат қилганди. «Барселона» ўшанда унга 8 миллион таклиф қилди, бироқ «Интер» рад жавобини берди. Лекин, бу «Барселона» бошқа уринмайди, дегани эмас.

Шартномани узайтириш борасида музокаралар давом этмоқда, бу тахминан беш-олти кун давом этади. «Интер» Брозовичга шартномани узайтириш бўйича ўз таклифини тақдим этди ва унинг атрофидагилар буни қабул қилишди. Энди кутиш керак”, дейилади CMIT TV телеканалида.