Kataloniyaning «Barselona» klubi bir necha hafta oldin «Inter» yarim himoyachisi Marselo Brozovichni sotib olishga urinib ko‘rgandi. Kataloniyaliklar futbolchi uchun 8 million yevro taklif qilishgan. Biroq «neradzurrilar» rahbariyati bu taklifni rad etdi, chunki ular Brozovich bilan shartnomani uzaytirmoqchi.

“Brozovich bilan shartnoma uzaytirilishi ehtimoli bor. Bir necha hafta oldin «Barselona» va «Tottenxem» Brozovichni o‘z safiga qo‘shib olishga harakat qilgandi. «Barselona» o‘shanda unga 8 million taklif qildi, biroq «Inter» rad javobini berdi. Lekin, bu «Barselona» boshqa urinmaydi, degani emas.

Shartnomani uzaytirish borasida muzokaralar davom etmoqda, bu taxminan besh-olti kun davom etadi. «Inter» Brozovichga shartnomani uzaytirish bo‘yicha o‘z taklifini taqdim etdi va uning atrofidagilar buni qabul qilishdi. Endi kutish kerak”, deyiladi CMIT TV telekanalida.