«Вест Хэм» яримҳимоячиси Деклан Райс ёзги трансфер ойнасида жамоасини ўзгартиришга қарор қилди.
Daily Mailнашри хабарига кўра, 23 ёшли футболчи учун «Челси» ва «Манчестер Юнайтед» кураш олиб бормоқда. «Вест Хэм» ҳам яримҳимоячини сотишга қарши эмас.
Аввалроқ Райс клуб томонидан 120 миллион долларга баҳолангани хабар қилинганди.
Яримҳимоячининг инглиз клуби билан шартномаси 2024 йилнинг 30 июнига қадар мўлжалланган. Трансфермаркт портали англиялик футболчининг нархини 75 миллион еврога баҳоламоқда.
Райс жорий мавсумда «Вест Хэм» сафида 29 та ўйинда майдонга тушиб, 4 та гол урди ва 4 та голли узатмани амалга оширди.
