«Вест Хэм» Англия чемпионатининг 24-тури доирасида ўз майдонида «Уотфорд»ни қабул қилиб, 1:0 ҳисобида ғалаба қозонди.
Биринчи бўлимда мезбонлар ҳимоячиси Курт Зума жароҳат олиб, майдонда ётиб қолди. Ўша пайтда меҳмонлар фанатлари қўшиқ куйлашди: «Мушугингнинг ҳолатига тушдинг». Франциялик футболчи ўйинни давом эттира олди.
Бундан ташқари, «Вест Хэм» мухлислари ҳам Зумага нисбатан ҳуштакбозлик қилишди. Улар 27 ёшли футболчининг ўз мушугини урганидан норози бўлишди.
Зума аввалроқ ушбу иши учун узр сўради. Футболчи жорий мавсумда 15та ўйинда иштирок этиб, битта гол урди. У 2021 йилнинг ёзида 35 миллион еврога «Челси»дан «Вест Хэм»га ўтганди.