"Лейпциг" ҳужумчиси Кристофер Нкунку фаолиятини Англия гранди сафида давом эттириши мумкин, дея хабар берди "Bild" нашри.
Маълумотларга кўра, "Манчестер Сити" бош мураббийи Пеп Гвардиола Нкункунинг сўнгги вақтларда кўрсатаётган ўйинидан қойил қолган. У аллақачон клуб раҳбариятига ёзги трансферлар ойнасида форвард билан шартнома имзолаш кераклигини маълум қилган.
Аввалроқ "Лейпциг" бош директори Нкунку камида 2023 йилнинг ёзигача "буқалар" сафида қолишини таъкидлаганди.
Франциялик футболчи жорий мавсум барча турнирларда 30 ўйинда майдонга тушиб, 18 гол ва 13 голли узатмани амалга оширди.
