Италиянинг «Интер» футболчиси Алексис Санчес Италия Кубоги доирасида «Рома» (2:0) жамоаси устидан қўлга киритилган ғалаба ҳақидаги фикрлари билан ўртоқлашди.

«Милан» (1:2) жамоасига қарши дербида жуда яхши ўйин намойиш этганимизни биламиз, лекин бу доим ҳушёр бўлишимизга сабоқ бўлди. Лекин жамоанинг ўзига бўлган ишончи юқори. «Рома»ни кучли жамоа эканлигини ҳамма билади ва улар буни бугун майдонда амалда исботлади.

Мен ҳам доим ўйнашни хоҳлайман ва ҳар доим айтганман: қанча кўп ўйнасам шунча кучли бўламан. Мен доим жамоам учун фойдам тегишини хоҳлайман, лекин факт шуки: 10 дақиқа у ерда, 15 дақиқа бу ерда ўйнаш осонмас", — деди Санчес Sport Mediaset билан суҳбатда.

Жорий мавсум Санчес 23 та ўйинда майдонга тушиб, 6 та гол киритди ва 4 та голга ассистентлик қилди.