"Ливерпуль" устози Юрген Клопп жамоа футболчиси Жордан Хендерсоннинг аҳволи ҳақида маълумот берди. Немис мутахассиси бу ҳақида шундай дейди:
"Хендо (Хендерсон)да ўтган ўйиндан қолган кичик жароҳат мавжуд. Садио (Мане) эса ҳали биз билан эмас. Аммо ҳар икки муаммо қисқа даврда ҳал бўлади. Шундай экан, хавотирга ўрин йўқ".
Жамоа сардори Англия кубогининг тўртинчи босқичидан ўрин олган "Кардифф Сити"га қарши ўйинда жароҳат олганди. У бугун "Лестер"га қарши баҳс олдидан яна бир бор тиббий кўрикдан ўтказилади.
Айни дамда "Ливерпуль" 48 очко билан иккинчи ўринда бормоқда.
