"Ливерпуль" футболчиси Луис Диаснинг отаси Луис Мануэль Диас ўғлининг трансфери ҳақида фикр билдирди. У ўз интервьюсида шундай дейди:
"Луис "Тоттенхэм"га ўтишга яқин эди. Унга "Рома" ҳам қизиқиш билдирган. Аммо улар бу борада иккиланишди. Бу эса "Ливерпуль"га трансфер учун йўл очиб берди. Улар рақибларига қараганда тезроқ ҳаракат қилишди. Ҳа, Луисга мос тушиши мумкин бўлган клублар кўп эди. Аммо ўғлим менга "Ливерпуль"да ўйнашни исташини айтди. Мен эса уни қўллаб-қувватладим".
Дастлаб, "Тоттенхэм" Луис Диас учун 55 миллион евро таклиф қилганди. Бироқ "Ливерпуль" уни 45 миллион ҳамда қўшимча 15 миллион бонусга сотиб олди.
