"Арсенал" футболчиси Муҳаммад Эльненининг агенти Алан Назми мижози учун январь ойида кўплаб таклифлар бўлганини тасдиқлади. У бу ҳақида шундай дейди:
"Муҳаммадни ижтимоий тармоқлар орқали кузатмайдиган одамлар унга тандиқ тошларини отишди. Унинг "Арсенал"да қолиши ёки бошқа жамоага ўтмагани, уларни жаҳлини чиқаргандир. Эльнени ёзда эркин агентга айланади. Январда эса у учун кўплаб таклифлар бўлганди. Аммо Микель Артета ҳаммасини рад этди. Шу сабаб футболчи клубда қолишга мажбур бўлди".
Эслатиб ўтамиз, бугун тунда "Арсенал" "Вулвз"га қарши ўйин ўтказади.