Бугун ЎФА раҳбарияти ва Белгиянинг машҳур “Доубле Пасс” компанияси ўртасида музокаралар ўтказилди.
“Double Pass” футболни ривожлантириш ҳамда оптималлаштириш бўйича федерациялар, лигалар, клублар, шунингдек, мутахассислар фаолиятини сарҳисоб қиладиган, керакли тавсиялар ва таълим берадиган таниқли компания ҳисобланади.
Бугунги музокаралар давомида компаниянинг инновацион дастурларини ўзбек футболига, айниқса, футболнинг техник жиҳатларига жорий этиш истиқболлари муҳокама қилинди.
ЎФА биринчи вице-президенти Равшан Эрматов ўзбек футболи ривожи учун замонавий ёндашувлар билан бир қаторда Европанинг етакчи давлатларида муваффақиятли қўлланилаётган усулларни ҳам ўрганиш зарурлигини таъкидлади. Етакчи компаниялар билан алоқаларни янада чуқурлаштириш, уларнинг тажрибасини футболимизга босқичма-босқич жорий этишдан манфаатдорлигини билдирди.
“Double Pass” директори Ханс Вандер Элц ўзбек футболи ривожига катта қизиқиш билдириб, Ўзбекистонда маҳаллий мутахассислар учун мунтазам семинарлар ташкил этишни таклиф этди. Семинарлар 6 модулдан иборат болиб футбол мутахассислари билимини янги босқичга олиб чиқишга хизмат қилади.
