Лондоннинг "Вест Хэм" клуби бош мураббийи Дэвид Мойес якшанба куни АПЛ доирасида "Лестер"га қарши бўлиб ўтадиган ўйинда Курт Зумани майдонга тушишга тайёр эканлигини тасдиқлади.
Мухлислар Зумани асосий таркибда майдонга туширгани учун аввалроқ ҳам Мойесни тақид қилишганди. Бироқ, афтидан шотландиялик мутахассис мухлисларнинг фикрига унчалик ҳам эътибор бермаяпти.
"Ҳа, у "Лестер"га қарши бўладиган учрашувда майдонга тушишга тайёр. У майдонга тушиши керакми ёки йўқми турли нуқтаъи-назарлар ва фикрлар мавжуд. Биз клуб сифатида ўз қароримизни қабул қилдик ва мен буни қўллаб-қувватлайман" - деди Мойес Sky Sports билан суҳбатда.