Италиянинг «Милан» клуби чап қанот ҳимоячиси Тео Эрнандес билан 2026 йилнинг ёзигача шартномани узайтирганини расман эълон қилди. Шундан сўнг, футболчи ўз хурсандчиликларини яшира олмади.
«Жуда бахтиёрман, жамоадан кетиш ҳақида ҳатто ўйлаб ҳам кўрмагандим. Бу ерга келган биринчи кунимданоқ клуб раҳбарияти, мураббийлар, футболчилар ва Паоло Мальдини билан ўзаро тил топишиш муаммо бўлмаганди. Мана нима учун мен шартномани узайтирдим. Ҳа, кўплаб клублардан таклифлар бўлди, лекин мен айни пайтда «Милан»га боғланганман, - деди Эрнандес.













