«Бавария» бош мураббийи Юлиан Нагельсманн «Бохум» жамоасидан Бундеслиганинг 22-турида қабул қилиб олинган мағлубият ҳақида фикр билдирди.

«Бохум»ни табриклайман, улар бугун ғалабага ҳақли эди.

Биринчи бўлимни жуда ёмон ўтказдик. Бизда режа бор эди ва у ишламади, шу сабабли, мен жамоадаги кимларнидир танқид қилмайман.

Эртароқ футболчи алмаштириб, майдондаги вазиятларга муносабат билдиришимиз керак эди. Иккинчи бўлимда яхши ўйнадик, лекин унда кеч бўлганди.

Иккинчи бўлимдаги дастлабки дақиқаларда ҳам яхши ўйнай олмадик, сал бўлмаса бешинчи голни ўтказиб юборардик. Агар футболчиларни эртароқ алмаштирганимизда қизиқарли бўларди.

Мен ўйинчи алмаштиришни жуда кеч амалга оширдик. Якунда бу «Бохум»нинг ҳақли ғалабасини таъминлади», – деди Нагельсманн.