Германия терма жамоасининг ҳужумкор ярим ҳимоячиси Кай Хаверц Чемпионлар лигаси финалида “Манчестер Сити”га қарши ўйинда ҳал қилувчи голни киритганди. Бу 2021 йилнинг май ойида эди ва энди Ҳаверц клублар ўртасидаги жаҳон чемпионати финалида “Палмейрас”га қарши ўйинда яна бир бор ғалаба голини урди.

Бундай муваффақиятга эришган охирги футболчи Лионель Месси эди. 2011 йилда у биринчи марта Чемпионлар лигаси финалида ғалаба тўпини киритди, шундан сўнг "Сантос"га қарши ўйинда клублар ўртасидаги жаҳон чемпионати финали натижасини ҳал қилди.

Ўшандан бери Ҳаверцгача ҳеч ким Чемпионлар лигаси финалида ҳам, клублар ўртасидаги жаҳон чемпионати финалида ҳам ғалаба голини кирита олмаганди.