Мадриднинг “Атлетико” клуби Испания Ла Лигасининг 24-туридан ўрин олган учрашувнинг биринчи бўлимида “Хетафе”дан 3 та гол ўтказиб юборди. Диего Симеоне жамоаси жорий мавсумда 33 та тўп ўтказиб юборди. Бу аргентиналик мутахассис билан жамоанинг Ла Лигадаги антирекорди. Бу ҳақда Squawka Твиттерда хабар берди.
51 ёшли Симеоне жамоани 2011 йилнинг декабридан бери бошқариб келмоқда. Унинг "Атлетико" билан амалдаги шартномаси 2024 йилнинг ёзида якунига етади. 23-турдан кейин 37 очко жамғарган Мадрид клуби айни дамда турнир жадвалида “Барселона”дан бир очко ортда қолиб, бешинчи ўринда бормоқда.
