«Вильярреал» ҳимоячиси Рауль Альбиоль «Реал»га қарши 24-тур доирасида бўлиб ўтган ўйинда рақиб ҳужумчиси Винисиус Жуниор билан юз берган тўқнашув ҳақида фикр билдирди.

Учрашувнинг 14-дақиқасида бразилиялик футболчи рақиб жарима майдончаси ичида тўпга етиб олишга ҳаракат қилиб, кутилмаганда Альбиоль билан тўқнашиб кетди. Ўша вазиятда испаниялик футболчини қўлини кўтарди ва «Реал» футболчисини юзига қўли тегди. Винисиус йиқилди, лекин ҳакам пенальтига тортадиган вазият эмас деб баҳолади.

«Мен уни кўрмадим, агар мен уни урган бўлганимда аниқ қон пайдо бўларди, лекин у ўрнидан турди.

У менинг елкамга келиб урилди, агар мен уни тирсагим билан урганимда, катта эҳтимол билан у майдонни тарк этган бўларди», – деди Альбиоль.