Чемпионлар лигасининг плей-офф босқичи бошланишига оз фурсат қолди – 1/8 финалнинг илк ўйинлари 15-феврал, сешанба куни бўлиб ўтади. Шу куни мухлислар "ПСЖ" ва "Реал" ўртасидаги баҳсни ҳам кузатиши мумкин. RMC Sport нашри хабарига кўра, Неймарда бу ўйинда майдонга тушиш имконияти бор. Шифокорлар томонидан рухсат бўлса, Неймар якуний рўйхатга киритилади.
Қайд этилишича, Неймар шанба куни яхши машғулот ўтказган ва бугун “ПСЖ” умумий гуруҳида бўлиши керак.
Эслатиб ўтамиз, Неймар ўтган йилнинг ноябр ойи охиридан бери “ПСЖ” сафида майдонга тушмай келмоқда.
"ПСЖ" - "Реал Мадрид" ўйини "Парк де Пренс" стадионида 15 феврал куни Тошкент вақти билан тунги 01:00 да бошланади.
