"Эвертон" бош мураббийи Франк Лэмпард голландиялик ярим ҳимоячи Донни ван де Бек ҳақида фикр билдирди.

"Донни ажойиб футболчи. Уни бу ерга иқтидори, ақл-заковати ва меҳнатсеварлиги учун олиб келганман. У техника томондан кучли ўйинчи, меҳнат қилишда бошқа футболчилардан қолишмайди.

Мен футболчи сифатида унинг ашаддий мухлисиман. Ўйлашимча, у турли позицияларда ўйнай олади”, — деди англиялик мураббий.

Маълумот ўрнида, голландиялик футболчи мавсум охиригача “Манчестер Юнайтед”дан ижарага олинган.