"Барселона" ҳужумчиси Люк де Йонг Испания чемпионати 24-туридан ўрин олган "Эспаньол"га қарши ўйиндан (2:2) сўнг ўз фикрлари билан ўртоқлашди.
"Биз дербида ғалаба қозонишимиз керак эди, бироқ, афсуски бугун бу амалга ошмади.
Голдан хурсандман, аммо мен яна битта гол уриш ва ғалаба қозониш учун тўпни тезроқ майдон марказига қайтишини хоҳлаган эдим.
Ўзим ҳақимда гапиришни ёқтирмайман. Ҳозирда диққатимни клубга қаратганман. Мен ўйнашни, жамоага бор кучимни беришни истайман. Келажакда нима бўлишини кўрамиз", - деди нидерландиялик форвард.
