Италия чемпионатининг 25-туридан ўрин олган «Аталанта» ва «Ювентус» жамоалари ўртасидаги учрашувда 1:1 ҳисоби қайд этилди. «Ювентус» ҳимоячиси Маттейс де Лигт рақиб ярим ҳимоячиси Руслан Малиновский томонидан урилган ҳисобни очувчи гол ҳақида ўз фикрини билдириб ўтди.

«Малиновский бундай масофадан гол ура олмаслигига ишончим комил эди. Ҳаттоки, ўйиндан кейин мен ундан қандай қилиб 30 метр масофадан гол урганини сўрадим. Бундай вазиятдан гол уриши мумкинлигини хаёлимга ҳам келтирмагандим.

Бугун ҳар икки жамоа қайд этилган натижадан қаноат ҳосил қилмади. Чунки муҳим бўлган очколардан маҳрум бўлдик. Аммо футболда бундай ҳолат юз бериб туради. Албатта, бу муҳим ўйин бўлди, «Аталанта» бизнинг бевосита рақибимиз ҳисобланади. Биз ҳар бир учрашувга боримизни беришимиз зарур. Мавсум сўнгида қайси ўринни эгаллашимиз маълум бўлади», – деди де Лигт.