Italiya chempionatining 25-turidan o‘rin olgan «Atalanta» va «Yuventus» jamoalari o‘rtasidagi uchrashuvda 1:1 hisobi qayd etildi. «Yuventus» himoyachisi Matteys de Ligt raqib yarim himoyachisi Ruslan Malinovskiy tomonidan urilgan hisobni ochuvchi gol haqida o‘z fikrini bildirib o‘tdi.

«Malinovskiy bunday masofadan gol ura olmasligiga ishonchim komil edi. Hattoki, o‘yindan keyin men undan qanday qilib 30 metr masofadan gol urganini so‘radim. Bunday vaziyatdan gol urishi mumkinligini xayolimga ham keltirmagandim.

Bugun har ikki jamoa qayd etilgan natijadan qanoat hosil qilmadi. Chunki muhim bo‘lgan ochkolardan mahrum bo‘ldik. Ammo futbolda bunday holat yuz berib turadi. Albatta, bu muhim o‘yin bo‘ldi, «Atalanta» bizning bevosita raqibimiz hisoblanadi. Biz har bir uchrashuvga borimizni berishimiz zarur. Mavsum so‘ngida qaysi o‘rinni egallashimiz ma’lum bo‘ladi», – dedi de Ligt.