“Навбаҳор” ва “Локомотив” (0-2) ўртасидаги учрашувдан сўнг “Локомотив” спорт директори Хорен Оганесян матбуот анжуманида иштирок этди. Ўйин борасида фикр билдираркан, Оганесян бундай даражадаги майдонда футбол ўйнаш жуда қийин эканини таъкидлаб ўтди.
— Ушбу учрашув ҳақида фикрингиз?
— Биз, бугунги рақибимиз “Навбаҳор” клубини ҳар томонлама ўрганиб чиқдик. Бу клуб билан мавсумга тайёргарлик давомида ўртоқлик учрашувини ҳам ўтказганмиз.Биз ушбу ўйиндан яхши тарафларини кўрдик. Тўғри, мухлисларга бу ўйин, натижа ёқмаган бўлиши мумкин. Бир нарсани таъкидлашим лозимки, бу ерда футбол ўйнаб бўлмайди, Майдоннинг ҳолати ачинарли ҳолда. Бизнинг майдонимиз ҳам шундай. Агар яши футбол намойиш этишни ҳоҳласак, яхши майдонлар қуриш лозим. Сизларда яхши жамоа мавжуд. Мен, қишда бу клубни кўрганман. Жамоа ўйин охиригача кураш олиб боради. Бу ўйинда бизнинг омадимиз келди. Икки гол урдик ва бу натижани йирикроқ бўлиши ҳам мумкин эди. Биламан, жамоангизнинг аҳволи оғир. Бизда ҳам бундай вақтлар оралиғи бўлди. Биз ҳам икки учрашувда ютказдик, ўйин бўйича эмас, балки натижа бўйича ютказдик. Биз ҳам яхши футбол, томошабинларга ёқадиган футбол намойиш этишга ҳаракат қиламиз. Сизнинг жамоангизда ҳам менинг жамоам олдида ҳали кўп учрашувлар бор, ҳали ҳаммаси олдинда, “Навбаҳор”га омад тилайман.
— Ромик Хачатрянни алмаштириб юборишингиз сабаби нимада?
— У учрашувга тайёр эмас эди. Ромикни оғриқлар безовта қилаётгани боис мен уни майдонга туширишга ҳам ўйланиб турган эдим. Аммо у яхши футбол намойиш этди. Учрашув оҳирларида уни оғриқлар яна безовта қила бошлади ва бошқа футболчи билан алмаштирдик.
— Сизнинг қўл остингизда биринчи марта олимпия терма жамоаси футболчилари Дилшод Рахматуллаев ва Ислом Тўхтаҳўжаев биринчи марта ўйинда тўлиқ иштирок этишди. Улар сизда қандай таасурот қолдирдилар?
— 4 ой давом этган тайёргарлик бахсларида ҳимоячимиз ва ярим ҳимоячимиз учрашувларимизда иштирок эта олмадилар. Ўйлайманки, тез орада улар жамоавий ўйинга киришиб кета оладилар. Ҳар бир ўйинчи алоҳида олганда яхши футбол намойиш эта олди. Бу футболчилар таркибимизни кучайтирдилар. Таркибимизда ҳали ўйинни кучайтира оладиган футболчиларимиз кўп.
— Бу мавсумда жамоа олдига қандай мақсад ва вазифалар қўйилган?
— Бу мавсумда олдимизга юқори мақсадлар қўйганмиз. Кучли тўртликдан ўрин олиш асосий мақсадимиз. Олдимизда қийин учрашувлар кутиб турибди. Тақвим бизга кучли 6 ликдаги жамоалар билан кетма кет ўйнаб чиқадиган бўлиб тушди. Бу энди энди жамоавий ўйин ташкил қилаётган клуб учун оғир. Яна келаётган 3 турда яхши қатнашиб, очколарни қўлга киритсак ҳаммаси ўз изига тушиб кетади.
Маъмур Мамадалиев.
Тошкент - Наманган- Тошкент.
