"Бёрнли" устози Шон Дайч "Ливерпуль"га қарши ўйинда учралган мағлубият ҳақида гапирди. У шундай дейди:
"Натижадан хафамиз. Биз ўйиндаги ҳаракатимизга яраша натижага эриша олмадик. Айниқса, биринчи бўлимни жуда яхши ўтказган эдик. Мен жамоамиз кўрсатган ўйиндан хурсанд бўлдим. Баъзида турнир жадвалини унутиб, фақат ўйиндан завқ олишни ҳам билишингиз керак. Бугунги баҳс эса айнан шу турдаги ўйин эди. Сиз бундай ўйин кўрсатган ҳолда, мукофотланишингиз керак. Ҳеч бўлмаса, бир очко билан. Афсуски, бугун ундай бўлмади".