"Рома" бош мураббийи Жозе Моуриньо Италия чемпионатининг 25-туридан ўрин олган "Сассуоло"га (2:2) қарши ўйиндан сўнг италиялик журналистларни танқид қилди.
"Мен янгиликларнинг кичик қисмини ёлғон эмас деб айта оламан, қолган ҳаммаси бешинчи синф журналистикаси. Бу ахлоқсиз журналистика, улар журналистиканинг асл моҳиятини - ҳақиқатини билмайди.
Бизни кучсиз деб аташлари мумкин, аммо ҳеч ким биздан осонликча очко ололмайди. Ҳа, ўйин нуқтаи назаридан, бизда камчилик бор. Иккинчи ўтказиб юборилган гол бошқа кўплаб эпизодлар каби даҳшатли вазият бўлди”, - дея Моуриньонинг сўзларини келтиради Football Italia.
Маълумот ўрнида, А сериянинг 25-туридан сўнг “Рома” 40 очко жамғариб, турнир жадвалида еттинчи ўринда бормоқда.
