"Барселона" ҳимоячи Роналд Араухо ва ярим ҳимоячи Гави билан шартномаларни янгилашни устувор вазифа деб билмоқда. Бу ҳақда ESPN нашри хабар бермоқда.
Ҳар икки футболчининг ҳам шартномаси 2023 йилнинг ёзида якунига етади ва Европанинг бир қатор клублари икки иқтидорга қизиқиш билдирмоқда. Араухо ва Гави жамоада қолишни исташади, лекин фақат улар клубдан яхшигина шартнома талаб қилмоқда.
22 ёшли Араухо 2018 йилнинг ёзида "Барселона"га ўтган эди. Уругвайлик ҳимоячи жорий мавсумда барча турнирларда 26 та ўйинда майдонга тушиб, 3 та гол уришга эришди.
17 ёшли Гави “Бетис” тарбияланувчиси ҳисобланади. У 2015 йилда "Барселона" академиясини тугатган. Испаниялик ярим ҳимоячи жорий мавсумда барча турнирлар доирасида 28 та ўйинда майдонга тушиб, 2 та гол ва 3 та голли узатмани амалга оширди.
