Франция терма жамоаси фахрий футболчиси Давид Жиноланинг фикрича, “ПСЖ”ни ҳолатини Лига—1даги ўйинларига қараб баҳолаб бўлмайди. Чемпионлар лигасида футболчиларнинг муносабати бошқача бўлади. Агар "Реал" Бенземасиз қолса, Мадридда жиддий муаммолар пайдо бўлади.
“Бу ўйинлар ҳар доим жуда қизиқарли бўлади. Бензема ҳақида аниқ маълумот йўқ. "Реал Мадрид" учун жиддий йўқотиш бўлиши мумкин.
“ПСЖ” Месси, Мбаппе, Ди Мария, Верратти каби футболчиларнинг иқтидори эвазига айни дамда дунёнинг исталган жамоасини мағлуб эта олади... Очиғи, “Реал” аввалгидек ҳолатда эмас. Уларда тарихда яхши натижаларга эришган, аммо... Футболда ҳамма нарса бўлиши мумкин”, — дейди Жинола.
