Аввал хабар берганимиздек, ЎФА ҳамда Япония футбол ассоциацияси ўртасида ўтказилган музокаралардан сўнг япониялик таниқли болалар ва ўсмирлар футболи мутахассиси Тецуя Цутида юртимизда фаолият юритиш учун таклиф этилган.
14 февраль куни Тецуя Цутида “Бунёдкор” футбол академиясида бўлиб, клубнинг болалар-ўсмирлар билан ишлаш тизими, ёш футболчиларни тарбиялашдаги клубнинг услуби, ёшлар учун яратилган шарт-шароитлар ва машғулот жараёнлари билан яқиндан танишди.
Академия мураббийлари билан машғулотларда бериладиган жисмоний юкламалар ва ўйин фалсафаси бўйича фикр алмашди. Шунингдек, болалар-ўсмирларнинг жароҳатдан тикланиш жараёни ҳақида мутахассислар билан суҳбатлашилди.
