Avval xabar berganimizdek, O‘FA hamda Yaponiya futbol assosiasiyasi o‘rtasida o‘tkazilgan muzokaralardan so‘ng yaponiyalik taniqli bolalar va o‘smirlar futboli mutaxassisi Tesuya Sutida yurtimizda faoliyat yuritish uchun taklif etilgan.
14 fevral kuni Tesuya Sutida “Bunyodkor” futbol akademiyasida bo‘lib, klubning bolalar-o‘smirlar bilan ishlash tizimi, yosh futbolchilarni tarbiyalashdagi klubning uslubi, yoshlar uchun yaratilgan shart-sharoitlar va mashg‘ulot jarayonlari bilan yaqindan tanishdi.
Akademiya murabbiylari bilan mashg‘ulotlarda beriladigan jismoniy yuklamalar va o‘yin falsafasi bo‘yicha fikr almashdi. Shuningdek, bolalar-o‘smirlarning jarohatdan tiklanish jarayoni haqida mutaxassislar bilan suhbatlashildi.
