«Интер» бош мураббийи Симоне Индзаги «Ливерпул»га қарши Чемпионлар лигаси 1/8 финал биринчи учрашуви арафасидаги фикрлари билан ўртоқлашди.

«Менимча, »Ливерпуль" - фаворит, аммо бу босқич икки ўйиндан иборат. Ўз ўйин услубимизга содиқ қолишимиз керак. Мен футболчиларимдан ақл билан ўйнашларини талаб қиламан, чунки бу ҳал қилувчи бўлиши мумкин. Биз ғалаба қозониш учун қатъиймиз.

Биз «Ливерпул»нинг «Милан» билан Чемпионлар лигасидаги ўйинларини ҳам, ички чемпионатдаги сўнгги ўйинларини ҳам томоша қилдик. Бу жамоа таркибида ҳар бир позицияда ажойиб футболчилари ва ажойиб мураббийи бор. Агар пас беришда хатога йўл қўйсангиз, улар дарҳол қарши ҳужумга ўтадилар. «Ливерпул»нинг қанот ҳимоячилари ақл бовар қилмайдиган даражада тезкор. Умуман олганда, бу рақиб майдоннинг исталган қисмида муаммо туғдиришга қодир», - мураббийнинг сўзларидан иқтибос келтиради УЕФА расмий сайти.