Бугун Туркиянинг Анталия шаҳрида янги мавсум тайёргарлигини олиб бораётган Тошкент вилоятининг "Металлург" клуби сўнгги назорат учрашувини Грузия чемпионатининг бронза медали совриндори – “Дила” (Гори) жамоасига қарши ўтказиб, дуранг ўйнади. Учрашувда ҳисоб очилмади – 0:0.

Баҳс қизиқарли комбинациялар, қарама қарши ҳужумлар остида ўтди. Муросасиз кечган баҳсда тўп назорати кўпроқ “Металлург” футболчилари томонида бўлди. Ҳар иккала жамоа рақиб дарвозаси яқинида бир қатор вазиятларни содир этишган бўлишса-да, дарвозалар даҳлсизлиги сақланиб қолди. Бунда жамоа ҳимоячилари ва биринчи навбатда дарвозабонларнинг ишончли ўйинини эътироф этиш мумкин.

Назорат учрашуви
16.02.2022 йил

“Дила” (Гори, Грузия) - “Металлург” (Ўзбекистон) – 0:0.

“Дила”: Булишкерия, Вандерсон, Чичинадзе, Читейшвили, Нонди, Сантос, Гагнидзе, Мосиашвили, Иваниадзе, Гудушаури, Капанадзе.

“Металлург”: Александр Лобанов, Аббос Отахонов, Муҳаммадали Алиқулов (Шоҳназар Норбеков), Аброрбек Тошқўзиев, Фаррух Иброҳимов, Фарход Бекмуродов, , Шаҳзодбек Ғофурбеков, Фозил Мусаев (Худойшукур Сатторов), Дамир Темиров (Ихтиёр Тошпўлатов), Иброҳим Ибрагимов (Эргаш Исмоилов), Забихилло Ўринбоев (Шаҳзоджон Неъматжонов).

Заҳира: Акмал Ортиқов, Ҳакимхон Аламхонов, Одилбек Абдумажидов, Саламат Қуттибоев, Муҳаммад Исаев, Жасур Ашуров, Зоҳид Абдуллаев.

Маълумот ўрнида, “Металлург” Туркияда яна бир кун бўлади ва 18 февраль санасида юртимизга қайтиб келади.