Bugun Turkiyaning Antaliya shahrida yangi mavsum tayyorgarligini olib borayotgan Toshkent viloyatining "Metallurg" klubi so‘nggi nazorat uchrashuvini Gruziya chempionatining bronza medali sovrindori – “Dila” (Gori) jamoasiga qarshi o‘tkazib, durang o‘ynadi. Uchrashuvda hisob ochilmadi – 0:0.
Bahs qiziqarli kombinasiyalar, qarama qarshi hujumlar ostida o‘tdi. Murosasiz kechgan bahsda to‘p nazorati ko‘proq “Metallurg” futbolchilari tomonida bo‘ldi. Har ikkala jamoa raqib darvozasi yaqinida bir qator vaziyatlarni sodir etishgan bo‘lishsa-da, darvozalar dahlsizligi saqlanib qoldi. Bunda jamoa himoyachilari va birinchi navbatda darvozabonlarning ishonchli o‘yinini e’tirof etish mumkin.
Nazorat uchrashuvi
16.02.2022 yil
“Dila” (Gori, Gruziya) - “Metallurg” (O‘zbekiston) – 0:0.
“Dila”: Bulishkeriya, Vanderson, Chichinadze, Chiteyshvili, Nondi, Santos, Gagnidze, Mosiashvili, Ivaniadze, Gudushauri, Kapanadze.
“Metallurg”: Aleksandr Lobanov, Abbos Otaxonov, Muhammadali Aliqulov (Shohnazar Norbekov), Abrorbek Toshqo‘ziyev, Farrux Ibrohimov, Farxod Bekmurodov, , Shahzodbek G‘ofurbekov, Fozil Musayev (Xudoyshukur Sattorov), Damir Temirov (Ixtiyor Toshpo‘latov), Ibrohim Ibragimov (Ergash Ismoilov), Zabixillo O‘rinboyev (Shahzodjon Ne’matjonov).
Zahira: Akmal Ortiqov, Hakimxon Alamxonov, Odilbek Abdumajidov, Salamat Quttiboyev, Muhammad Isayev, Jasur Ashurov, Zohid Abdullayev.
Ma’lumot o‘rnida, “Metallurg” Turkiyada yana bir kun bo‘ladi va 18 fevral sanasida yurtimizga qaytib keladi.
