«Барселона» «Челси» ҳимоячиси Сесар Аспиликуэтани қўлга киритиш бўйича музокаралар олиб бормоқда, дея хабар беради журналист Фабрицио Романо.
Манбага кўра, каталонияликлар 32 ёшли испаниялик футболчига яна бир йилга узайтириш имконияти билан икки йиллик шартнома таклиф қилишган. Музокаралар ўтган йилнинг декабрь ойидан бери давом этмоқда, аммо «Барселона» ҳали ҳам футболчининг келажаги борасида якуний қарор қабул қилишини кутмоқда.
Аспиликуэта «Челси»ни текинга тарк этиши мумкин. Унинг Лондон клуби билан шартномаси 2022 йилнинг июнь ойи охиригача амал қилади. Ҳимоячи жорий мавсумда «кўк-анорранглилар» сафида 30 та ўйинда майдонга тушиб, 1 та гол ва 3 та голли узатмага муаллифлик қилган.
