«Barselona» «Chelsi» himoyachisi Sesar Aspilikuetani qo‘lga kiritish bo‘yicha muzokaralar olib bormoqda, deya xabar beradi jurnalist Fabrisio Romano.
Manbaga ko‘ra, kataloniyaliklar 32 yoshli ispaniyalik futbolchiga yana bir yilga uzaytirish imkoniyati bilan ikki yillik shartnoma taklif qilishgan. Muzokaralar o‘tgan yilning dekabr oyidan beri davom etmoqda, ammo «Barselona» hali ham futbolchining kelajagi borasida yakuniy qaror qabul qilishini kutmoqda.
Aspilikueta «Chelsi»ni tekinga tark etishi mumkin. Uning London klubi bilan shartnomasi 2022 yilning iyun oyi oxirigacha amal qiladi. Himoyachi joriy mavsumda «ko‘k-anorranglilar» safida 30 ta o‘yinda maydonga tushib, 1 ta gol va 3 ta golli uzatmaga mualliflik qilgan.
