"Наполи" бош мураббийи Лучано Спаллетти "Барселона" (1:1) клуби билан Европа Лигасида қайд этилган дуранг ҳақида фикр билдирди.
- Иккинчи бўлимда биз ўйинни катта босим устида ушлаб туришга ҳаракат қилдик, лекин чуқур ҳимояланишга берилиб кетдик, буни "Барселона"дек жамоага қарши ўйнаётганингда қўллаб бўлмайди. Биз буни амалга оширишимиз керак эмасди. Ўйлайманки, биз биринчи бўлимда "Барселона" билан тенг ўйнай олишимизни кўрсатиб қўйдик. Аммо, танаффусдан кейин ташаббус рақиб томонга ўтиб кетди. Биринчи бўлимдаги ўйинимизни бутун ўйин мобайнида намойиш қилишимиз мумкин эди. Ҳурмат билан айтаманки, "Барселона" дурангга ҳақли эди, аммо пенальти бўлмаганди, — Спаллеттининг сўзларидан иқтибос келтирмоқда Football Italia.
