"Манчестер Сити" ва "Барселона" клубларининг собиқ ҳужумчиси Серхио Агуэро Аргентина терма жамоасига ёрдам беришга тайёрлигини тан олди.

"Мен Қатардаги жаҳон чемпионатига боришни хоҳлайман. Шу ҳафта учрашувимиз бўлади. Мен у ерда бўлишни хоҳлайман. Мураббийлар штабига кириш ниятим бор. Скалони ва Чики Тапиа билан аллақачон гаплашдим. Биз ҳаракат қилишимиз керак.

Ҳақиқат шуки, агар жаҳон чемпионатига борсам, йигитлар билан бирга бўламан ва машғулотларда қатнашаман. Бу муаммо эмас. Мен уларни рухлантириш учун у ерда бўлишни хоҳлайман", деди Агуэро Radio 10'га.

Футболчи сифатида Агуэро 2006 йилдан 2021 йилгача Аргентина терма жамоаси сафида 101 та ўйин ўтказган. Унинг ҳисобида 41 та гол бор.