Юртимизда янги футбол мавсуми старт олишига оз қолмоқда. Ўзбекистон Профессионал футбол лигаси янги мавсумга ҳозирликни жиддий тарзда олиб бормоқда. Бугун жорий мавсум ЎзПФЛ байроғи остида ўтадиган мусобақаларда комиссарлик фаолиятини олиб борадиган ЎзПФЛ ва ЎФА ходимлари учун ўқув семинари бўлиб ўтди.
Унда учрашувларни юқори савияда ўтказиш, 2022 йилги "ЎзПФЛ томонидан ўтказиладиган мусобақалар регламенти"да белгиланган барча талабларга риоя этиш бўйича тушунчалар берилди. Қолаверса, мазкур регламентга киритилган янги ўзгаришлар, учрашувга қадар ва учрашув пайтида юзага келадиган масалалар, шунингдек, ортда қолган 2021 йилги мавсумда учрашувларни ташкил этишда юзага келган жиҳатлар муҳокама этилди.
Семинар якунида номзодлар комиссарлик учун тест имтиҳонини топширишди.