«Арсенал» «Наполи» ва Испания терма жамоаси ярим ҳимоячиси Фабиан Руисга қизиқиш билдирмоқда ва ёзда уни ўз сафига қўшиб олмоқчи.
The Mirror нашрининг хабар беришича, Лондон клуби «Наполи» ярим ҳимоячисининг талабларини билиш учун унинг агентлари билан учрашган.
25 ёшли футболчининг А серия клуби билан шартномаси 2023 йилнинг июнигача тузилган, бироқ итальян клуби билан янги шартнома имзолаш имкониятидан бош тортган. Шу боис, «Наполи» келаётган ёз Фабианни сотиш имкониятини кўриб чиқади.
Футболчига «Барселона» ва «Реал» ҳам қизиқиш билдирмоқда. «Наполи» Руиснинг сотувидан 19 миллион евро олмоқчи.
