«Arsenal» «Napoli» va Ispaniya terma jamoasi yarim himoyachisi Fabian Ruisga qiziqish bildirmoqda va yozda uni o‘z safiga qo‘shib olmoqchi.
The Mirror nashrining xabar berishicha, London klubi «Napoli» yarim himoyachisining talablarini bilish uchun uning agentlari bilan uchrashgan.
25 yoshli futbolchining A seriya klubi bilan shartnomasi 2023 yilning iyunigacha tuzilgan, biroq italyan klubi bilan yangi shartnoma imzolash imkoniyatidan bosh tortgan. Shu bois, «Napoli» kelayotgan yoz Fabianni sotish imkoniyatini ko‘rib chiqadi.
Futbolchiga «Barselona» va «Real» ham qiziqish bildirmoqda. «Napoli» Ruisning sotuvidan 19 million yevro olmoqchi.