"Лацио" бош мураббийи Маурицио Сарри Италия чемпионатининг 26-туридан ўрин олган "Удинезе"га (1:1) қарши ўйиндан сўнг ўз фикрлари билан ўртоқлашди.
"Биринчи бўлимда муҳим ўйинчиларни, жумладан Педрони ҳам йўқотганимизни ва олдинги ўйинни атиги 72 соат олдин ўтказганимизни ҳисобга олсак, бу яхши ўйин бўлди. Ўйлайманки, биз ғалаба қозонишга ҳақли эдик. Машғулотларда ишлаш учун бироз кўпроқ вақтимиз бўлганида, бундай голларни ўтказиб юбормаган бўлардик.
Биз бу кичик нарсалар устида ишлашимиз керак. Агар Европа мусобақаларида ўйинларимиз бўлмаганида, биз аллақачон кучли тўртлик учун курашаётган бўлардик”, - дея Саррининг сўзларидан иқтибос келтиради
"DAZN".
