"Арсенал" бош мураббийи Микель Артета ярим ҳимоячи Мартин Эдегор келажакда Лондон клуби сардори бўлиши мумкинлигини айтди.
“Мартинда жамоа сардори бўлиш учун барча фазилатлар мавжуд. Мен Норвегия бош мураббийи Столе Сольбаккен билан гаплашдим ва у Эдегор ҳақида илиқ гаплар айтди.
Уни ҳамма яхши кўради, у жамоа учун жуда муҳим футболчи. Эдегор яхши, камтарин йигит. Унинг сардорлик боғичини олиш табиий ва бу келажакда содир бўлади", - дея Артета сўзларидан иқтибос келтиради Goal.com.
Маълумот учун, норвегиялик ярим ҳимоячи 2021 йилда "Реал"дан "Арсенал"га ўтган эди.
23 ёшли футболчи жорий мавсумда АПЛда 21 та ўйинда майдонга тушиб, 4 та гол урди ва 3 та голли узатмани амалга оширди.