Мадриднинг «Реал» клуби бразилиялик ҳужумчи Винисиус Жуниорга янги шартнома таклиф қилмоқчи. Бу ҳақда журналист Фабрицио Романо твиттерда хабар берди.
Манбага кўра, Мадрид клуби президенти Флорентино Перес бразилиялик футболчи билан 5 йиллик шартнома имзолаш вариантини маъқуллади.
21 ёшли Винисиус 2018 йилнинг ёзида «Фламенго»дан «Реал»га 45 миллион евро эвазига ўтган эди. Ҳужумчи жорий мавсумда Ла Лиганинг 23та ўйинида 13та гол урди ва 6та голли узатмани амалга оширди. Шунингдек, у Чемпионлар лигаси гуруҳ босқичининг етти учрашувида 2 гол ва 3 голли узатма муаллифига айланган.
