"Барселона" бош мураббийи Хосеп Гвардиола Испания чемпионати 33-турида "Хетафе" билан бўлиб ўтган ўйин (4:0) ва Месси ҳақида фикр билдирди.

"Биз тезкор гол кирита олганимиз учун ўйинни ўз бошқарувимизга олдик. Жамоа ҳимоя ишларига ҳам жиддий эътибор берди. Биз бу ғалабани Абидалга атаймиз. Бу кун биз учун бшқача кун бўлди.

"Хетафе" - ўта ёпиқ жамоа. Бундай жамоаларга қарши ўйнаш ҳар доим қийин бўлган. Бошқа томондан олиб қараганда уларнинг ҳужум чизиғи яхши ишламади. Яна нима дейиш мумкин, биз ўз ишимизни бажардик. Энди Мадрид дербисини кузатамиз. У ерда жиддий кураш бўлади Биз эса "Леванте" билан бўладиган ўйинга тайёрланишимиз ва бугунгидан кам бўлмаган ишларни бажаришимиз керак.

Месси бу мавсум 60та гол ура оладими? Мен билмадим. Йўқ, у буни бажара олиши мумкин, лекин нима бўлишини сиз билан биз олдиндан билмаймиз. У бугун муҳим голни киритди. Бу бизга хотиржам тўп суришимизга сабаб бўлди", - дея Гвардиоланинг сўзларини келтиради AS.